Државниот пазарен инспекторат во периодот од 13.03 до 19.03.2023 година има извршено над 650 инспекциски надзори на целата територија на Република Северна Македонија.
Во наведениот период од страна на Државниот пазарен инспекторат наплатени и издадени се над 175 прекршочни платни налози со вредност над 6.230.000 денари.
Државниот пазарен инспекторат врши континуирани инспекциски надзори кај трговците на големо и мало во делот на почитување на Одлуката за замрзнување на цената на лебот до 33 денари, Одлуката за определување обврска на трговците да прибавуваат и продаваат определени видови и количества на одделни стоки на потрошувачите според определен редослед и Одлуките за определување на највисоки цени за одделни производи во трговијата на мало
Во горенаведениот период на територија на Република Северна Македонија се извршени над 530 инспекциски надзори и контроли по Одлуките за посебни услови за трговија на одделни стоки. Во некои економски субјекти констатирани се прекршоци за што се издадени прекршочни платни налози во висина од над 1.750.000 денари.
Државниот пазарен инспекторат и понатаму интензивно ќе спроведува контроли и надзори во согласност со своите надлежности. Нема да има отстапувања и ќе биде казнет секој оној кој пробал на било каков начин да изврши прекршување на законите по кои постапува пазарниот инспекторат.
Како институција ќе ги ангажираме сите расположливи ресурси за тековно постапување и спроведување на законските регулативи од кои произлегуваат нашите надлежности. Пазарниот инспекторат постојано врши надзори и постапува во согласност со законите, годишниот и стратешкиот план за работа. Дополнително, покрај редовните контроли, постапува и по пријави доставени од граѓаните и им излегува во пресрет за секое прашање поврзано со нашите надлежности и делокруг на работа.
Законите ќе важат исто за сите, без селективност, а секој што нема да ги почитува, ќе биде санкциониран. Надзори се вршат постојано, а пазарниот инспекторат функционира со својот полн капацитет.
Врз основа на Одлуките на Владата за определување на највисоки цени за одделни производи во трговијата, пазарниот инспекторат од 16 до 18 март 2023 година изврши над 350 надзори на цела територија на Македонија. Од надзорите е констатирано дека одлуките се почитуваат, освен кај шест економски субјекти, за кои се изречени прекршочни платни налози во вредност од над 1.275.000 денари.
Пазарниот инспекторат и понатаму е на терен и ќе постапува по сите Одлуки на Владата, дополнително, покрај останатите свои надлежности.
Начинот на кој ќе се постапува доколку некој од економските оператори дејствува спротивно од Одлуките е предвиден во Законот за трговија. Во случај да се утврди прекршување на Одлуките ќе следат казни кои произлегуваат од Законот за трговија! Казните се високи и изнесуваат од 800 до 10000 евра, во зависност од големината и видот на економскиот оператор.
Напоменуваме дека Државниот пазарен инспекторат ќе постапува исклучиво по однос на контрола на цените утврдени со Одлуките, но нема надлежност да постапува, ниту пак да влијае врз формирање на цени во трговијата на големо и трговијата на мало.
Апелираме да се почитуваат Одлуките, а исто така ги повикуваме граѓаните доколку забележат неправилности веднаш да пријават во пазарниот инспекторат. Работиме во интерес на граѓаните и токму затоа се донесени овие Одлуки, за да се помогне во време на економска криза која сеуште постои и да се спречи личното профитерство и злоупотреба.Исто така, ги повикувам граѓаните, доколку забележат било какви нерегуларности, да пријават во Државниот пазарен инспекторат, а ние ќе постапиме во рамки на нашите надлежности.
На 18.03.2023 година од страна на полициски службеници на Бирото за јавна безбедност при МВР во содејство со инспектори од Државниот пазарен инспекторат (ДПИ), Управата за јавни приходи (УЈП) и Државниот инспекторат за труд (ДИТ) спроведена е заедничка контрола во угостителски објекти во Гостивар.
За време на контролата од страна на пазарниот инспекторат се утврдени низа неправилности, односно во еден од угостителските објекти констатирани се неправилности по Закон за заштита од пушење, за што е издаден соодветен прекршочен платен налог. Во друг угостителски објект изречени се глоби поради констатирани неправилности меѓу кои непоседување книга за дневен извештај и непочитување на Законот заштита од пушење во затворен дел од објектот.
На 18.03.2023 од страна на полициски службеници од ОКП-ОЕК при СВР Куманово во заедничка акција со Државниот пазарен инспекторат извршена е контрола на правни и физички лица кои вршат дејност од областа на девизното работење, преку купување и продажба на ефективни странски и домашни пари, при што кај четири физички и правни лица се констатирани неправилности, односно работење спротивно на Законот за девизно работење на Република Северна Македонија.
При контролата на две правни лица во Куманово, утврдено е дека не поседуваат Решение за вршење на дејност од НБРСМ, ниту лиценца за вршење на продажба и купување на ефективни странски и домашни пари и пронајден е голем износ на домашни и странски пари во различни валути.
Во менувачница е утврдено дека нема регистрирано правно лице во Централен регистар на РСМ, а не поседува ниту лиценца ни Решение од НБРСМ за вршење на менувачко работење. Во моментот на контролата во менувачницата лицето противправно поседувало домашни и странски валути во поголем износ, а на Градскиот плоштад во Куманово, затекнато е лице како врши менувачко работење спротивно на чл.54 од Законот за девизно работење, при што и кај него се пронајдени поголем износ на пари во различни валути.
За констатираната состојба спротивно на чл.54 од Законот за девизно работење на РСМ кај овие правни и физички лица е известен дежурен Јавен обвинител од ОЈО Куманово и по целосно расчистување и документирање на случаите од страна на ОКП-ОЕК при СВР Куманово ќе биде изготвен соодветен поднесок.
Одлуките на Владата за намалување на цените на тестенините и млечните производи се донесоа пред речиси една седмица, а од утре веќе и официјално стапуваат во сила, и трговците до сега требаше да ги усогласат цените според Одлуките на Владата. Од утре инспекторите ќе бидат на терен и ќе вршат контроли за да се утврди дали трговците постапиле во согласност со Одлуките! Инспекторите ќе постпуваат во рамки на нивните надлежности кои произлегуват од Одлуките, а согласно тоа и според Законот за трговија. Станува збор за искусни професионалци, со долгогодишно работно искуство во сферата на пазарната инспекција, што значи дека сме апсолутно подговени да се соочиме и со овој предизвик.
Контролите ќе се вршат над производите кои ги опфаќаат Одлуките за определување на највисоки цени за одделни производи во трговијата на мало (Службен весник на РСМ бр. 52/2023), односно:
Начинот на кој ќе се постапува доколку некој од економските оператори дејствува спротивно од Одлуките е предвиден во Законот за трговија. Во случај да се утврди прекршување на Одлуките ќе следат казни кои произлегуваат од Законот за трговија! Казните се високи и изнесуваат од 800 до 10000 евра, во зависност од големината и видот на економскиот оператор.
Напоменуваме дека Државниот пазарен инспекторат ќе постапува исклучиво по однос на контрола на цените утврдени со Одлуките, но нема надлежност да постапува, ниту пак да влијае врз формирање на цени во трговијата на големо и трговијата на мало.
Апелираме да се почитуваат Одлуките, а исто така ги повикуваме граѓаните доколку забележат неправилности веднаш да пријават во пазарниот инспекторат. Работиме во интерес на граѓаните и токму затоа се донесени овие Одлуки, за да се помогне во време на економска криза која сеуште постои и да се спречи личното профитерство и злоупотреба.
Владата донесе Одлуки за определување на највисоки цени за одделни производи во трговијата на мало (Службен весник на РСМ бр. 52/2023) со кои се опфатени:
Одлуките се донесени во интерес на граѓаните и нивните потреби и ќе стапат во сила на 16 март 2023 година. Ова е доволен временски период за трговците да ги прилагодат цените. Апелираме да се почитуваат Одлуките, затоа што во спротивно, без селекција, ќе следат казни, кои според Законот за трговија се исклучително високи!
Исто така, апелираме, доколку граѓаните забележат било какви неправилности кои се поврзани со цените на производите веднаш да пријават во Државниот пазарен инспкеторат!
Напоменуваме дека Државниот пазарен инспекторат ќе постапува исклучиво по однос на контрола на цените утврдени со Одлуките, но нема надлежност да постапува, ниту пак да влијае врз формирање на цени во трговијата на големо и трговијата на мало.
Веднаш по стапувањето во сила на овие Одлуки, пазарниот инспкеторат, ќе излезе на терен и ќе постапува.
Работиме во интерес на граѓаните, токму затоа и се донесени Одлуките, да се спречи било каква злоупотреба и лично профитирање во време кога кризата сеуште постои.
Пазарниот инспекторат е постојано на терен со сите свои расположливи ресурси и ќе продолжи да врши надзори во согласност со законските надлежности, но и ќе постапува по Одлуките на Владата. Во случај да се утврди прекршување на Одлуките ќе следат казни кои произлегуваат од Законот за трговија! Казните се високи и изнесуваат од 800 до 10000 евра, во зависност од големината и видот на економскиот оператор. Затоа апелираме да се почитуваат Одлуките, а ние како институција постојано сме на терен, постапуваме во согласност со нашите надлежности.
Во рамките на проектот финанисран од ЕУ “Зајакнување на внатрешниот пазар”, кој се спроведува во Министерството за економија, а чија четврта компонента е поврзана со работата на ДПИ, се одржаа работилници, на кои учествуваа вработените од сите одделенија на инспекторатот.
Главната цел на работилниците беа принципите за добра тимска работа и лидерство, за што беа презентирани алатки, стратегии за ефективна тимска работа, лидерски вештини, различни видови методологии на работење, како и совети за успешно решавање на проблеми. Овие работилници се од исклучително значење за тимот на пазарниот инспекторат кој дополнително ги спроведува во пракса, за што тврдат и позитивните резултати од експедитивната работа.
Предавач на работилниците беше експертот Нина Бабушковска, којашто има долгогодишно искуство во областа на економијата, креирање стратегии и консултации во јавниот и приватниот сектор.
Државниот пазарен инспекторат по основ на Одлуката на Влада за замрзнување на цената на лебот од 450 гр на 33 денари, вчера и денес изврши надзори и контроли во над 400 економски субјекти на ниво на цела територија на Република Северна Македонија. До сега од контролите е утврдено дека генерално се доставува леб кој е опфатен со Одлуката, а се почитува и замрзнатата цена од 33 денари, односно цената утврдена во согласност со грамажата за помалку од 450 грама. Цената на лебот во зависнот од грамажата и во зависност од различни градови каде се продава изнесува од 25 до 33 денари.
Државниот инспекторат и понатаму ќе продолжи да врши контроли кои се однесуваат на почитување на замрзнатата цена на лебот донесена со Одлуката на Владата.
Исто така, потребно е сите да ги почитуваме Одлуките на Владата, бидејќи примарна цел е сузбивање на профитерството во време на криза, и залагање за солидарност, односно да се има разбирање и да им се излезе во пресрет на граѓаните.
Како институција ќе ги ангажираме сите расположливи ресурси за тековно постапување и спроведување на законските регулативи од кои произлегуваат нашите надлежности. Пазарниот инспекторат постојано врши надзори и постапува во согласност со законите, годишниот и стратешкиот план за работа. Дополнително, покрај редовните контроли, постапува и по пријави доставени од граѓаните и им излегува во пресрет за секое прашање поврзано со нашите надлежности и делокруг на работа.
Законите ќе важат исто за сите, без селективност, а секој што нема да ги почитува, ќе биде санкциониран. Надзори се вршат постојано, а пазарниот инспекторат функционира со својот полн капацитет.
На територија на град Скопје, полициски службеници од одделот за криминалистичка полиција при МВР во координација со претставници на Царинската управа, Државниот инспекторат за животна средина, Управата за јавни приходи и Државниот пазарен инспекторат извршија контроли во три отпади за половни возила
Во текот на вршење на контролите во рамки на своите надлежности, кај три физички лица, пазарниот инспекторат констатираше неправилности и прекршувања, односно лицата не биле регистрирани во соодветен регистар, а вршеле трговија со половни автоделови за што е спроведена постапка за порамнување согласно член 58, став 14 од Закон за трговија, и за секое од лицата се издадени прекршочни платни налози со вкупна вредност од 27000 денари.
Во просториитена пазарниот инспекторат денес се одржа брифинг од информативен карактер, со претставници од медиумите. Целта на брифингот е информирање за:
- надлежностите на ДПИ,
- нашиот актуелен фокус на работа, како и за
- идни планови и активности на ДПИ
Стопанството бара еднакви и предвидливи услови за работа. Правна сигурност и почитување на законите. Граѓаните исто така бараат заштита на нивните потрошувачки права и квалитет на испорачани услуги и производи. Како држава сме обврзани да ги гарантираме овие права и очекувања односно да воспоставиме еднакви / рамноправни услови за сите економски оператори и квалитетни услуги за граѓаните. Но сите треба да знаеме дека имаме и права и обврски.
Државниот пазарен инспекторат врши инспекциски надзор над примената на законите, другите прописи и акти од страна на трговските друштва, други правни и физички лица како и граѓаните , а кои најчесто се однесуваат на:
- безбедноста на производите,
- заштита на потрошувачите,
- дејности од областа на трговијата,
- угостителството,
- туризмот,
- занаетчиството,
- заштита на правата од индустриска соспственост како и
- други работи определени со закон.
Сакаме граѓаните да бидат точно информирани за што сме овластени да постапуваме, за да не доаѓа до забуни и недоразбирања. Ова би го постигнале преку информирање од наша страна, но пред се` со вашата поддршка. Она што е важно и сакам да го имате предвид, е дека мој приорит е да воспоставиме систем и ние како институција секогаш да сме транспаренти и достапни и ќе бидеме отворени да одговараме на поставените прашања.
Приоритетите за работа на институцијата Државен пазарен инспекторат се утврдени со законите, стратешкиот и годишните планови за работа. Основна стратешка цел на паззарниот инспекторат е да овозможи еднакви услови за работа на сите економски оператори на пазарот во Република Северна Македонија што подразбира елиминирање на сивата економија и нелојалната конкуренција преку унапредување на работата, зголемена ефикасност, заштита на права на граѓани и економски оператори и секако воспоставување на систем на ефикасна институција за која нема многу да се зборува но ќе функционира и резултатите од работата ќе ги чувствуават сите засегнати страни. Дополнително, приоритет ќе биде и едуцирањето на економските оператори преку организирање на обуки, семинари, работилници, изработка на флаери, брошури, мултимедијални материјали кои ќе бидат поставени на корисничките сметки на социјалните медиуми на пазарниот инспекторат но и на веб страната, а паралелно ќе се издејствува и едукација на потрошувачите за полесно остварување на нивните права.
Во наредниот период како институција ќе работиме на постојано и правилно применување на законите од страна на економските оператори, зборуваме за закони кои се во надлежност на пазарниот инспекторат, со што би се создало позитивно економско окружување за да се обезбеди економски раст и повисок животен стандард, пазар со безбедни производи, заштитени права на потрошувачите, едукација на економски оператори, потрошувачите, и државните пазари инспектори, и зголемена финансиска дисциплина кај економските опратори.
Исто така, преку свои претставници, пазарниот инспекторат учествува во процесот за поддршка во ЕУ интеграцијата и преговорите за пристапување во делот на инспекторатот, во 4 поглавја, поглавје 1 – Слободно движење на пазарот, Поглавје 6 – Право на трговски друштва, Поглавје 7- Право на интелектуална сопственост, Поглавје 28 – Заштита на потрошувачи и јавно здравје.
Целта на нашето работење е борбата против криминал и корупцијата, доследно имплементирање на законската регулатива, раззвој на ефикасна и современа пазарна инспекција со цел подигнување на етичкиот пристап на инспекторите и некорумпираноста, организирано и ефективно вршење на инспекцискиот надзори, отстранување на сите небезбедни производи од пазарот во Република Северна Македонија.
Според анализите на пазарниот инспекторат и информациите кои ги добивам со редовна комуникација со нашите колеги (или друг извор на информации) она што во моментов ги засега граѓаните, а и според пријавите кои ни пристигнуваат, е загриженоста поради зголемување на цените. Она што е во надлежност на ДПИ, а се однесува на цените на производите, е:
- да постапува согласно Одлуката на Владата која се однесува на ограничување на маржата на одредени производи од 5 – 10% кај трговците на големо и мало,
- но нема да влијаеме врз формирањето на цени на пазарот, ниту пак да одредуваме кој производ според која цена треба да се продава, цените се формираат на слободниот пазар
- согласно Закон за заштита на потрошувачи, економските оператори мора соодветно да ги информираат потрошувачите на пр. Често поставувани прашања и поплаки доаѓаат поради разлика на изложената цена и цената на каса
Имаме и доста пријави за измами при онлајн продажба. Главен проблем се нерегистрирани трговци. За да може пазарниот инспекторат да постапи неопходно е да постои фискална сметка или фактура. Потврди од доставувачи на производи при онлајн продажба не претставуваат доказ. Зголемениот обем на онлајн продажба претставува и нов предизвик и веројатно ќе треба да направиме анализа на потребите за допрецизирање на регулативата и одредено реорганизирање на работата на пазарниот инспекторат.
Она што сакаме да преземеме како постојани и идни активности е континуирано информирање на граѓаните со нашата работа и надлежностите на ДПИ. Информирани граѓани, потрошувачи и економски оператори се најдобрите заштитници на законитоста.
Наша прва цел е да изградиме партнерски однос со корисниците на нашите услуги и работа. Да бидеме достапни, да воспоставиме систем на комуникација и координација, и сите добиени информации да ги класифицираме и да ги забележиме.
Работиме на воспоставување на функционални комуникациски канали, прво функционална мобилна телефонска линија, преку која граѓаните ќе може полесно да се информираат и да пријавуваат нерегуларности. Понатаму воспоставување и интернет мобилна апликација за пазарниот инспекторат која ќе биде поврзана со нашата веб страна и уште повеќе ќе го олесни начинот на пријавување и пристап на информации до граѓаните. Во меѓувреме нашата веб страна редовно се пополнува (ажурира) со нови информации, соопштенија, актуелни случувања, извештаи на пазарниот инспеторат и слично.
Државен пазарен инспекторат
| Оваа е-адреса е заштитена од спамботови. Треба да ви е овозможено JavaScript за да ја видите. | ||
| ул. Луј Пастер број.1 спрат 3, 1000 Скопје | ||
| ++389 (0)2 3162 341 |
